Pothuajse 80% e automjeteve të importuara në Maqedoni janë të përdorura ?

Numri i automjeteve në Maqedoninë e Veriut është rritur për rreth 200 mijë në dhjetë vitet e fundit, ndërsa mosha mesatare e tyre mbetet e lartë – rreth 19 vjet.

Shkaku kryesor është fuqia e ulët blerëse, që i orienton qytetarët drejt makinave të përdorura, të cilat përbëjnë rreth 80% të importeve. Vetëm në vitin 2025 u importuan mbi 69 mijë automjete, kryesisht nga Gjermania.

Shkupi mbetet më i ngarkuari, me rreth një të tretën e makinave të vendit, duke kontribuar ndjeshëm në ndotjen e ajrit. Ekoaktivistët kërkojnë ndalim të importit të makinave mbi 10 vjet dhe nën standardin Euro 5, si dhe taksa sipas emetimeve, ndërsa autoritetet paralajmërojnë harmonizim me rregulloret evropiane dhe kushte më rigoroze për importin.

/lajmpress