Ndahet nga jeta Hazir Haziri. Ali Ahmeti shpreh ngushllime

Me pikëllim të thellë mora lajmin për ndarjen nga jeta të Hazir Hazirit, veprimtar i devotshëm i Lëvizjes Kombëtare, i cili me përkushtim dha kontribut të çmuar në aktivitetet kombëtare në perëndim, në Kosovë dhe në Maqedoninë e Veriut.

Angazhimi i tij i palodhur, idealizmi dhe përkushtimi ndaj çështjes kombëtare do të mbeten përherë pjesë e kujtesës sonë dhe shembull për brezat që vijnë.

Në këto çaste të dhimbshme, shpreh ngushëllimet e mia më të sinqerta familjes Haziri, bashkëveprimtarëve dhe gjithë atyre që e njohën dhe e vlerësuan veprën e tij. Shkruan Ali Ahmeti në facebook.

/ms