Federata e Futbollit të Maqedonisë e pa kënaqur nga Kërçovarët ?

Federata e Futbollit të Maqedonisë (FFM) ka vlerësuar si një precedent serioz dhe qëndrim jashtëzakonisht të papërshtatshëm mungesën e kuorumit në Kuvendin e jashtëzakonshëm zgjedhor në Lidhjen Komunale të Futbollit në Kërçovë, transmeton Portalb.mk.

“Mungesa e personave që iniciuan dhe caktuan Kuvendin e jashtëzakonshëm zgjedhor, presidenti në dorëheqje Marjan Ristevski, zëvendëspresidentit Xhevdet Dalipi dhe delegati të LFK të Kërçovës, Muamed Sejdini, përfaqëson një precedent serioz dhe një qëndrim jashtëzakonisht të papërshtatshëm ndaj proceseve të menaxhimit në Lidhjes Komunale të Futbollit në Kërçovë”, raportoi FFM-ja.

Kuvendi ishte paraparë të mbahet të premten, ku ishin të pranishëm edhe përfaqësuesit e FFM-së, por për shkak mungesës së shumicës së anëtarëve, Kuvendi dështoi.

“Një qasje e tillë është një konfirmim i dukshëm i mosfunksionimit dhe një strukture të çrregulluar organizative brenda LFK të Kërçovës, e cila në mënyrë të pashmangshme ngre pyetje në lidhje me funksionimin e saj të mëtejshëm në përputhje me dispozitat e shoqatës”, vlerësuan nga FFM-ja, duke paralajmëruar qe do të veprojnë në përputhje me kompetencat saj dhe aktet në fuqi.

/portalb