Ministri Fatmir Limani takim me përfaqësues të Bankës Botërore

Gjatë një viti e gjysmë të kaluar, bëmë hap serioz përpara në realizimin e Projektit të Administrimit të Sigurimit Social – projekt me rëndësi strategjike për vendin, me vlerë 13.8 milionë euro, me mbështetje të Bankës Botërore.

📈 Për pesë vitet para ardhjes sime, u realizuan vetëm 9.9% e mjeteve.
Sot, falë punës intensive të ekipit të Ministrisë, kjo shifër është rritur në 41.9%. Kjo është rritje më shumë se katërfishi për vetëm 18 muaj.
✅Progresi i Projektit është i dukshëm, andaj, për këtë arsye, presim mbështetje për vazhdimin e reformave të filluara.

Bëhet fjalë për aktivitete të mëdha reformuese, të cilat do të rezultojnë me ndryshime të rëndësishme në sistemet e vendosura në fushat e evidentimit të sigurimit social, të vlerësimit të aftësisë ndryshe, të punësimit të personave me aftësi ndryshe dhe të vendeve të punës, të klasifikuara si profesione të rrezikshme me stazh të beneficuar.

👉 Që t’i finalizojmë aktivitetet e filluara dhe të sigurojmë zbatim të qëndrueshëm dhe funksional, nevojitet zgjatje e afatit të projektit. Ky nuk është formalitet – por nevojë reale që t’i mbrojmë mjetet e deponuara dhe rezultatet e reformës.

Me politikë të përgjegjshme, bashkëpunim dhe mbështetje të partnerëve, do t’i përfundojmë këto reforma në interes të qytetarëve dhe të sistemit të sigurimit social.
Vazhdojmë me përkushtim dhe me transparencë. 💪 Shkruan ministri Fatmir Limani në facebook

/ms