Valbona Adili Emini: Përdorimi i inteligjencës artificiale në punën parlamentare
Sot u mbajtë një takim me temë “Përdorimi i inteligjencës artificiale në punën parlamentare”, me pjesëmarrjen e znj. Marci Harris, eksperte ndërkombëtare dhe drejtoreshë ekzekutive e POPVOX.
Aktiviteti u organizua në bashkëpunim me NDI, në kuadër të përpjekjeve për avancimin e transformimit digjital të Kuvendit.
Në këtë takim u shkëmbyen përvoja dhe praktika lidhur me aplikimin e inteligjencës artificiale për rritjen e transparencës, efikasitetit dhe cilësisë së proceseve parlamentare, duke u theksuar se teknologjia mbetet një mjet ndihmës dhe nuk e zëvendëson vendimmarrjen demokratike as përgjegjësinë njerëzore.
/ms
