Një person ndërroi jetë, dy të tjerë të lënduar rëndë në tri aksidente rrugore ?

Më 25.01.2026 në orën 04:10, në SPB Shkup u denoncua se në kryqëzimin e bul. “Aleksandri i Maqedonisë”, rr. “Brigada e 16-të Maqedonase” dhe rr. “Brigadat Ndërkombëtare” në Shkup, një automjet udhëtarësh “Ford” me targa të Shkupit, e drejtuar nga B.S. (45) nga Shkupi, ka dalë nga rruga.

Në aksident shoferi ka pësuar lëndime të rënda trupore dhe me automjet të Ndihmës Urgjente Mjekësore është dërguar në Spitalin e Përgjithshëm “Sh. Naum Ohridski” të Shkupit, ku mjeku ka konstatuar vdekjen. Sipas urdhrit të prokurorit publik, trupi i të ndjerit u dorëzua për obduksion në Mjekësinë Ligjore, ndërsa këqyrjen e vendit të ngjarjes e kreu një ekip hetues i SPB Shkup.

Më 24.01.2026, në orën 15:43, në NJPB Koçan u denoncua se në rr. “Marshal Tito” në Koçan, një automjet udhëtarësh “Folksvagen Golf” me targa të Koçanit, e drejtuar nga A.P. (34) nga fshati Çeshinovë, ka dalë nga rruga. Në aksident shoferi ka pësuar lëndime të rënda trupore, të cilat janë konstatuar në Spitalin e Përgjithshëm të Koçanit, dhe pas ndihmës së dhënë mjekësore u dërgua në Kompleksin e Klinikave “Nëna Terezë” në Shkup. me urdhër të prokurorit publik, ishte bërë këqyrje e vendit të ngjarjes nga një ekip hetues i NJPB Koçan.

Në ditën e njëjtë, në orën 15:15, në NJPB Gostivar u denoncua se në rrugën rajonale Mavrovë – Dibër, pranë Urës së Rostushës, ka ndodhur një aksident rrugor ku një automjet motorik udhëtarësh “Folksvagen Turan” me targa shqiptare, i drejtuar nga I.T. (40) nga Republika e Shqipërisë, ka dalë jashtë rrugës dhe është përmbysur. Në aksident bashkudhëtarja S.T. (69) nga Republika e Shqipërisë ka pësuar lëndime të rënda trupore, të cilat janë konstatuar në Qendrën Mjekësore “Shën Erazmo” në Ohër. Këqyrjen e vendit të ngjarjes e kreu një ekip i NJPB Gostivar.

/ms