Nis prishja e objekteve pa leje në Bulevardin e Çlirimit në Kërçovë (FOTO)

Me vendim të Komunës së Kërçovës dhe Inspektoratit të Ndërtimit, sot ka nisur aksioni për prishjen e objekteve pa leje në Bulevardin e Çlirimit. Forca të shumta policore ishin të angazhuara për sigurimin e perimetrit gjatë ndërhyrjes, e cila fillimisht u përqendrua te lokali “Predator”.

Në vendngjarje u mblodhën shumë qytetarë për të kundërshtuar vendimin, duke kërkuar sqarime dhe pezullimin e prishjes. Vendimi përfshin objektet e përkohshme në zonën e kafiterive përgjatë bulevardit, të cilat sipas autoriteteve nuk plotësojnë kushtet ligjore.

Më pas, një grup qytetarësh u drejtua para Komunës së Kërçovës, ku kërkuan takim me kryetarin e komunës. Pas takimit, grupi u shpërnda, ndërsa vendimet mbeten në fuqi dhe situata pritet të ndiqet nga afër në ditët në vijim.

FOTO:

/tvgurra