Kë e prek pezullimi i vizave të emigrimit për në SHBA ?
Presidenti amerikan Donald Trump ka pezulluar përkohësisht lëshimin e vizave të emigrimit për shtetasit e 75 vendeve, përfshirë Kosovën,Shqipërin dhe Maqedoninë me arsyetimin se emigrantët duhet të punojnë dhe të mos varen nga ndihmat sociale. Vendimi u mor më 14 janar dhe hyn në fuqi më 21 janar 2026.
Gjatë pezullimit, aplikimet dhe intervistat për vizë do të vazhdojnë, por vizat e emigrimit nuk do të lëshohen. Vendimi nuk prek vizat turistike, as personat që tashmë kanë vizë të vlefshme emigrimi. Po ashtu, nuk preken shtetasit me dy shtetësi që aplikojnë me pasaportë të një vendi që nuk është në listë.
Administrata amerikane po rishikon politikat e emigrimit për të parandaluar që emigrantët nga vendet e cilësuara si “me rrezik të lartë” të bëhen barrë për buxhetin publik. Sipas Trumpit, një pjesë e madhe e emigrantëve nuk punojnë; për Kosovën, ai ka deklaruar se 46% e emigrantëve marrin ndihma sociale.
/lajmpress
