Shkodran Alili dhe lëvizja “Të Berza” pranë komunitetit rom për të gjashtën ditë me radhë

Për të gjashtën ditë me radhë, lëvizja “Të Berza” vazhdon të jetë pranë komunitetit rom, duke i mbështetur dhe duke i trajtuar si pjesë të pandashme të familjes së saj. Edhe pse ndihma që mund të ofrohet është e vogël përballë nevojave të mëdha, përkushtimi dhe prania nuk kanë munguar asnjëherë.

“Ne nuk i lëmë kurrë të ndihen të vetëm. Jemi pranë tyre në çdo moment, sa herë që kanë nevojë për një dorë, një fjalë apo thjesht një prani”, është shprehur Shkodran Alili.

Ai ka bërë apel publik ndaj autoriteteve dhe kryetarit të Komunës që kjo çështje të zgjidhet përfundimisht dhe këtyre familjeve t’u ofrohet ndihma e nevojshme për një jetë dinjitoze.
Sipas Alilit, romët janë një popull me shpirt të fortë që nuk dorëzohet kurrë, edhe në momentet më të vështira.

/tvgurra