Rreth 30 familje të strehuara në sallën sportive të Ivanidollit pas përmbytjeve në Kërçovë !
Rreth 30 familje dhe mbi 100 persona të prekur nga përmbytjet në Kërçovë aktualisht po qëndrojnë të strehuar në sallën sportive në Ivanidoll, njofton Kryqi i Kuq i Republikës së Maqedonisë së Veriut – Organizata Komunale Kërçovë.
Sipas tyre, një pjesë e familjeve janë vendosur edhe tek të afërmit e tyre. Kryqi i Kuq u ka bërë thirrje qytetarëve humanë, kompanive dhe institucioneve që të ndihmojnë financiarisht familjet e prekura.
Deri tani ndihmë kanë ofruar disa shoqata humanitare si “Te Berza” dhe “Kalliri i Mirësisë”, si dhe persona fizikë.
/votra.info
