Reagim nga Shoqata Votra

Nëse nuk na ndihmoni, të paktën mos na shani. Shoqata Votra, prej disa vitesh me radhë, ndan Çmimet Votra për personalitetet që janë dalluar me punë dhe arritje gjatë vitit. Edhe këtë vit ishte i hapur konkursi publik për aplikim, pasi është e pamundur që shoqata të ndjekë çdo kërcovar kudo në botë.

Ata që nuk kanë konkurruar ose nuk janë përzgjedhur, le ta shohin këtë si motiv për të punuar edhe më shumë në vitin e ardhshëm.
Aktiviteti u zhvillua në Pallatin e Kulturës, në një nivel të lartë organizativ, ku u prezantuan mbi 30 videomateriale profesionale, përfshirë edhe një dokumentar të realizuar në nivel të lartë artistik e përmbajtësor, i cili është përgatitur përmes mbi një muaji kërkimesh, hulumtimesh dhe mbledhjeje të të dhënave. Të gjitha këto materiale prezantuan emra dhe personalitete nga kjo Kërçovë e vogël, por me vlera të mëdha, që për arritjet e tyre do t’i kishin zili edhe Tirana dhe Prishtina, duke promovuar njëkohësisht kulturën, historinë dhe identitetin tonë kërcovar.

Një ngjarje e tillë kushton disa mijëra euro dhe u realizua pa asnjë mbështetje financiare nga sponsorë apo institucione shtetërore.

Megjithatë, pavarësisht gjithë këtij përkushtimi, sakrifice dhe pune vullnetare, disa zgjedhin të shajnë, në vend që të japin kurajo, mirëkuptim dhe mbështetje.

Përkundër atyre që duan apo nuk duan, ky manifestim do të vazhdojë të frymojë çdo vit!

/tvgurra