Aktivisti i VLENit në Kërçovë Valdet Bajrami Distancohet nga Fatmir Limani

Pas shumë përpjekjeve, sakrificave dhe luftës për të sjellë ndryshim të vërtetë, kam vendosur të tërhiqem nga aktivitetet politike. Jo sepse u lodha, por sepse nuk pranoj të bëhem pjesë e një sistemi që mashtron, manipulon dhe i lë njerëzit pas dore.

Unë nuk kam hyrë në politikë për të bërë “selfie” me premtime boshe apo për t’u përkulur para interesave të grupeve të fshehta.

Unë kam qenë aty për njerëzit. Por kur shoh se njeriu i zakonshëm trajtohet si numër, si statistikë, si “shifër për votë”, atëherë e kuptoj se kjo rrugë nuk është më për mua.

Tërhiqem me kokën lart. Nuk kam frikë të them: shumë gjëra nuk ecin, sepse shumë vetë nuk duan të ndryshojnë. E unë nuk jam një prej tyre.

Faleminderit të gjithëve që më besuan. Besimi juaj ka qenë motivi im i vetëm.
Vazhdoj te jem VLEN! Shkruan Valdet Bajrami ne Facebook duke publikuar Foto me Adnan Azizin

/ms