21 Dhjetori, Dita e mësimit në Gjuhën Turke. Shkruan Fatmir Limani

Me rastin e shënimit të 21 Dhjetorit, Ditës së mësimit në Gjuhën Turke – ditë kushtuar gjuhës si themel i identitetit, kulturës dhe kujtesës historike të komunitetit turk në Republikën e Maqedonisë së Veriut; në Komunën e Kërçovës realizuam aktin ceremonial e ngritjes së flamuri turk në shtizën e flamurit, si simbol i respektit, miqësisë dhe bashkëpunimit të gjatë.

Gjuha turke është pjesë e pandashme e pasurisë kulturore dhe gjuhësore të shtetit tonë dhe një shtyllë e rëndësishme e bashkëjetesës multikulturore që e kultivojmë.
Përmes arsimit në gjuhën amtare forcohet ndjenja e përkatësisë, barazisë dhe dinjitetit, veçanërisht te brezat e rinj.

Jemi krenarë për trashëgiminë e pasur kulturore që mbart gjuha turke dhe për marrëdhëniet e shkëlqyera bilaterale ndërmjet Republikës së Maqedonisë së Veriut dhe Republikës së Turqisë, të bazuara në miqësi, respekt të ndërsjellë dhe bashkëpunim.

Mbetemi fuqishëm të përkushtuar për avancimin e të drejtave gjuhësore, politikave gjithëpërfshirëse dhe ndërtimin e një shoqërie ku diversitetet na bashkojnë.
Urime Dita e Mësimit në Gjuhën Turke! Le të vazhdojë të jetojë, të zhvillohet dhe të lidhë brezat.

/ms