“Dhuro gjak, shpëto jetë” – Aksion human për dhurim gjaku në Spitalin e Kërçovës

Nën moton “Dhuro gjak, shpëto jetë”, sot, me organizim të Institutit Akademia dhe në bashkëpunim me Institutin e Transfuziologjisë – Kërçovë dhe Kryqin e Kuq, në ambientet e Spitalit të Kërçovës u realizua me sukses aksioni për dhurim gjaku.

Në këtë aksion human morën pjesë gjithsej 17 dhurues gjaku, të cilëve u shpreh mirënjohje e veçantë për gatishmërinë dhe humanizmin e treguar. Një falënderim i posaçëm iu drejtua edhe ekipit mjekësor, i cili, pavarësisht ditës së vikendit, u angazhua maksimalisht për të siguruar trajtimin më të mirë për çdo pjesëmarrës.

“Gjaku nuk shitet e nuk blihet, ai dhurohet. Çdo qese e mbushur sot me gjak shpresojmë të shërbejë për shpëtimin e jetëve të atyre që kanë nevojë,” u theksua nga Instituti Akademia, ndërsa Dr. Kujtim Kasami nënvizoi se shpëtimi i një jete është shpërblim i barabartë me shpëtimin e gjithë njerëzimit, parim ky që mbetet motivi kryesor i këtyre aksioneve humanitare.

/tvgurra