Sqarim nga Komuna e Kërçovës lidhur me trajtimin e qenve endacakë !

Pas kërkesës së TV Gurra për informacion zyrtar, Komuna e Kërçovës paraqet sqarimin vijues lidhur me procedurat e kapjes dhe trajtimit të qenve endacakë në territorin e komunës.

1. Ku dërgohen qentë e kapur?
Komuna e Kërçovës, pas realizimit të prokurimit publik, ka lidhur kontratë me ambulancën veterinare “Zebra”, e cila kryen kapjen dhe trajtimin e qenve endacakë në përputhje me Ligjin për mirëqenie të kafshëve.

Procesi zhvillohet në disa faza:
Transportimi i qenve të kapur në stacionin veterinar.
Kryerja e kontrollit profesional: pranimi në stacionar, marrja e mostrës së gjakut për diagnostikimin e lajshmaniozës dhe dërgimi i saj në laboratorin referent në Shkup.
Testimi i sjelljes (“socializimi”) për të vlerësuar agresivitetin e kafshës.

Nëse qeni rezulton i shëndoshë dhe e kalon testin e sjelljes, realizohen procedurat e mëposhtme:
sterilizim/kastrim
kujdes post-operativ deri në shërim
vendosja e markës në vesh
implantimi i çipit identifikues
vaksinimi kundër tërbimit
dehelmintizimi

Për çdo qen hapet një dosje individuale, ndërsa pas përfundimit të trajtimit qeni kthehet në lokacionin ku është kapur.
I gjithë procesi zgjat 7–10 ditë, varësisht nga shërimi pas operacionit. Kapja bëhet me lak ose me anestetik, sipas vlerësimit të ekipit profesional.
2. A ekziston qendër-stacionar?
Po. Ambulanca veterinare “Zebra” ka një stacionar zyrtar në Demir Hisar, i cili përmban 43 bokse.

Gjithashtu, në territorin e Komunës së Kërçovës funksionon objekti ambulantor në adresën:
Rr. “11 Tetori” nr. 66, Kërçovë
3. A do të vazhdojë aksioni në gjithë territorin e komunës?
Po. Aksionet për kapjen dhe trajtimin e qenve endacakë do të vazhdojnë në mënyrë të rregullt, sipas kapaciteteve të ambulancës veterinare “Zebra”, deri në përfundimin e projektit të strehimores së re komunale, e cila planifikohet të ndërtohet gjatë vitit të ardhshëm.
Me respekt,
Komuna e Kërçovës

/tvgurra