Tv Gurra: Sot 80-vjetori i pushkatimit të Nuredin Nexhipit nga Kërçova

Në këtë përvjetor të dhimbshëm, kujtojmë me nderim figurën e Nuredin Nexhipit nipi i Ahmed Hoxhë Sadikut, kryetar i Komunës së Reshtanit gjatë periudhës së Mbretërisë Shqiptare, i cili u bë viktimë e dhunës dhe represionit politik.

Foto-dokumente të ruajtura nga familjarët e tij hedhin dritë mbi historinë e tij tragjike:
Dokumenti i sekuestrimit të pronës, si pjesë e persekutimit shtetëror;
Urdhri për pushkatim, që vulosi fatin e tij të padrejtë; si dhe një kontratë zyrtare origjinale e Komunës së Reshtanit.

Këto dokumente janë një pasuri historike me vlerë të jashtëzakonshme. Ato ruajnë kujtimin e një drejtuesi që pagoi me jetë integritetin dhe besnikërinë ndaj popullit të vet, dhe mishërojnë një periudhë të errët, por të rëndësishme, të historisë sonë kombëtare.
Lavdi kujtimit të Nuredin Nexhipit!

/tvgurra