50 Vjet KF Bashkimi – Jubile që bashkon Cërvicën

Ky vit shënon një moment të veçantë për sportin dhe komunitetin e Cërvicës.
Klubi Futbollistik Bashkimi feston 50-vjetorin e themelimit, një jubile që përfaqëson pesë dekada përkushtim, sakrificë dhe krenari.

Me këtë rast, është iniciuar rikonstruktimi i stadiumit të fshatit dhe organizimi i një turneu jubilar, i cili do të mbahet më 19 korrik 2026.
Aktiviteti synon të bashkojë breza të tërë sportdashësish dhe të nderojë të gjithë ata që ndër vite kanë kontribuar në sukseset dhe historinë e klubit – lojtarë, trajnerë, funksionarë, sponsorë dhe tifozë.

Organizatorët ftojnë të gjithë banorët, mërgimtarët dhe miqtë e Cërvicës të japin kontributin e tyre sipas mundësive, në mënyrë që stadiumi të marrë pamjen që meriton dhe 50-vjetori të shënohet me dinjitet.
Cërvica për Cërvicën! KF Bashkimi – krenaria e fshatit tonë, dje, sot dhe gjithmonë.

FOTO:

/tvgurra