Zvicër: Guaja nga Kosova vodhi mbi 38 mijë franga, dënohet dhe dëbohet !

Sipas raportimeve të mediave zvicerane dhe gjermane, skema ishte zbuluar pasi statistikat e brendshme kishin treguar se punonjësja anulonte transaksione rreth 30 herë më shpesh sesa kolegët e saj. Hetimet kishin identifikuar mbi 1.000 transaksione të dyshimta, në të cilat blerjet anuloheshin në mënyrë fiktive, ndërsa në faturë mbetej vetëm një qese plastike me vlerë pesë centë ose një qese letre prej 40 centësh.

Sipas hetuesve, gruaja përdorte edhe anulime të pjesshme të artikujve dhe në disa raste i linte faturat të hapura për t’i ndryshuar më vonë. Vetëm ditën kur u arrestua, prokuroria kishte identifikuar mbi 20 fatura të ndryshuara, me një dëm prej rreth 300 frangash.

Gjatë procesit gjyqësor, 30-vjeçarja e ka mohuar fajësinë, ndërsa mbrojtja ka kërkuar lirimin e saj nga akuzat, duke argumentuar se numri i madh i të dhënave nuk përbënte provë të drejtpërdrejtë për secilin rast. Megjithatë, gjykata e ka shpallur fajtore për vjedhje të vazhdueshme dhe falsifikim.

Duke marrë parasysh se bëhej fjalë për veprën e saj të parë penale, ajo është dënuar me 14 muaj burg me kusht. Gjykata ka vendosur gjithashtu që ajo t’ia kthejë ish-punëdhënësit 20 mijë franga dhe, si shtetase e Kosovës, të dëbohet nga Zvicra për një periudhë prej pesë vjetësh.Vendimi nuk është ende përfundimtar dhe mund të ankimohet.

/ms