Valbona Adili Emini: Sot, në Kërçovë, hapëm zyrën e deputetit

Sot, në Kërçovë, hapëm zyrën e deputetit, një hapësirë që do të jetë e hapur për të gjithë qytetarët.
Hapja e kësaj zyre është një hap i rëndësishëm drejt komunikimit të drejtpërdrejtë me qytetarët. Këtu ata do të kenë mundësi të takohen me mua, të ndajnë shqetësimet, kërkesat dhe idetë e tyre, si dhe të diskutojnë çështje që lidhen me jetën e përditshme dhe zhvillimin e Kërçovës.

Besoj se përfaqësimi i qytetarëve nuk kufizohet vetëm në punën në Kuvend. Ai kërkon të jesh i pranishëm, të dëgjosh dhe të komunikosh vazhdimisht me njerëzit që të kanë besuar përfaqësimin e tyre.

Një falënderim i veçantë për Kryetarin e Kuvendit të Republikës së Maqedonisë së Veriut, z. Afrim Gashi, dhe Kryetarin e Komunës së Kërçovës, z. Aleksandër Jovanoski, për praninë dhe mbështetjen e tyre, si dhe për të gjithë qytetarët, miqtë dhe bashkëpunëtorët që na nderuan me pjesëmarrjen e tyre.

Kjo zyrë është një adresë e re për qytetarët e Kërçovës, një derë e hapur për komunikim, bashkëpunim dhe përgjegjësi.

/ms