Kryetari i Kuvendit të Republikës së Maqedonisë Afrim Gashi vizitoi Komunën e Kërçovës

Sot, në Komunën e Kërçovës, pata nderin të pres Kryetarin e Kuvendit të Republikës së Maqedonisë, Afrim Gashi, gjatë vizitës së tij të punës në komunën tonë.
Në takim diskutuam për çështje aktuale me rëndësi për Kërçovën, për nevojat dhe prioritetet e qytetarëve tanë, si dhe për mundësitë e thellimit të bashkëpunimit midis pushtetit lokal dhe atij qendror.

Si pushtet lokal, besojmë se dialogu i hapur dhe komunikimi i drejtpërdrejtë me institucionet shtetërore janë thelbësore për identifikimin në kohë të nevojave të qytetarëve dhe për gjetjen e zgjidhjeve konkrete që përmirësojnë mirëqenien e tyre.

Në kuadër të vizitës, vizituam gjithashtu zyrat parlamentare për kontakt me qytetarët në Komunën e Kërçovës. Këto zyra ofrojnë një mundësi të rëndësishme që qytetarët të komunikojnë më lehtë me përfaqësuesit e tyre të zgjedhur, të ndajnë propozimet dhe shqetësimet e tyre, si dhe të informohen drejtpërdrejt mbi punën e Kuvendit.
Ne vazhdojmë punën tonë të përkushtuar në interesin më të mirë të Kërçovës dhe qytetarëve të saj.

/ms