Sulmohet Arabi Saudite, një i vrarë dhe dy të plagosur !

Një person u vra dhe dy të tjerë u plagosën sot nga rënia e mbetjeve të një droni të rebelëve Huthi, i cili u interceptua dhe u shkatërrua mbi qytetin Taif në perëndim të Arabisë Saudite, njoftoi agjencisë saudite e lajmeve, transmeton Anadolu.

Një zëdhënës i Mbrojtjes Civile tha se ekipet e emergjencës reaguan pasi fragmente nga droni ranë në qytet pas interceptimit të tij.
Një banor jemenas u vra ndërsa një grua saudite dhe një banor pakistanez u plagosën, tha zëdhënësi duke shtuar se një shtetas pakistanez është në gjendje kritike.

Mbetjet që ranë shkaktuan gjithashtu dëme materiale në disa ndërtesa dhe automjete.
Autoritetet saudite thanë se droni ishte lëshuar nga grupi Huthi i Jemenit.

/shenja