Trump kërcënon Europën përsëri !
Presidentja e Komisionit Evropian, Ursula von der Leyen, propozoi që Kanadaja të bëhej anëtarja e parë e asociuar e BE-së. Nisma synon zgjerimin e marrëveshjes CETA përmes një “Aleance për të Ardhmen”, që do të forconte bashkëpunimin në tregti, mbrojtje, energji, teknologji dhe siguri ekonomike.
Presidenti amerikan Donald Trump e quajti propozimin “qesharak” dhe kërcënoi BE-në me tarifa të rënda nëse marrëveshja drejtohet kundër interesave amerikane. Ai gjithashtu e cilësoi Kanadanë si një partner të keq tregtar.
Marrëdhëniet mes SHBA-së dhe Kanadasë janë përkeqësuar për shkak të tarifave dhe deklaratave të Trump për ta bërë Kanadanë shtetin e 51-të amerikan. Si rezultat, Ottawa kërkon të zvogëlojë varësinë nga SHBA-ja, ku shkojnë rreth 70% e eksporteve të saj, dhe të afrohet më shumë me Evropën.
Kanadaja nuk synon anëtarësim të plotë në BE, pasi kjo do të kërkonte heqjen dorë nga një pjesë e sovranitetit. Ajo dëshiron një partneritet sa më të ngushtë, që do të përfshinte prodhimin, mbrojtjen, Arktikun, energjinë, mineralet kritike, inteligjencën artificiale dhe sigurinë kibernetike.
“Ky partneritet nuk është kundër askujt, por për forcën tonë të përbashkët”, deklaroi von der Leyen.
/euronews
