Spitali i ri në Kërçovë: Premtim apo një tjetër projekt pa afat ?

Paralajmërimi për ndërtimin e spitalit të ri në Kërçovë, me investim prej 22.5 milionë euro, ka ngritur pritshmëri të mëdha, por edhe pikëpyetje të shumta.

Deri më tani nuk janë bërë publike projekti, afatet e realizimit, procedurat e tenderimit apo data e fillimit të punimeve. Kjo ka shtuar dyshimet nëse bëhet fjalë për një projekt konkret apo vetëm për një premtim të radhës. Krahas infrastrukturës, ekspertët theksojnë se sfidë mbetet edhe mungesa e kuadrit mjekësor.

Në një kohë kur shumë mjekë dhe infermierë po largohen nga Maqedonia e Veriut drejt vendeve perëndimore, shtrohet pyetja se kush do ta përbëjë stafin e spitalit të ri nëse nuk hartohet një strategji për mbajtjen dhe punësimin e profesionistëve të rinj të shëndetësisë.

/tvgurra