Kërçovarit i gjendet marihuanë në veturë !

NJPB Kërçovë ka paraqitur kallëzim penal kundër Gj.N. (42) nga Kërçova, nën dyshimin për kryerjen e veprës penale që lidhet me posedimin e lëndëve narkotike.

Sipas njoftimit, gjatë kontrollit të kryer në automjetin e tij të udhëtarëve të markës “Smart”, me targa të Kërçovës, nëpunësit policorë të policisë kriminalistike pranë NJPB Kërçovë kanë gjetur dhe konfiskuar marihuanë.

Pas dokumentimit të rastit dhe ndërmarrjes së masave përkatëse, ndaj 42-vjeçarit është paraqitur kallëzim penal pranë organeve kompetente.

/mvr.gov.mk