Shefi i NATO-s: Jemi shumë më të fortë se Rusia ?

Sekretari i Përgjithshëm i NATO-s, Mark Rutte, konfirmoi se Aleanca i është përgjigjur një letre të Rusisë, ku Moska paralajmëronte përdorimin e gjithë arsenalit të saj, përfshirë armët bërthamore, në rast kërcënimi ndaj territorit rus.

Rutte i bëri thirrje Rusisë t’i japë fund luftës në Ukrainë dhe kërcënimeve bërthamore, duke theksuar se NATO ka epërsi të konsiderueshme ushtarake. Ai tha se lufta nuk po zhvillohet në favor të Moskës, megjithëse Rusia vazhdon të ketë kapacitet për të shkaktuar dëme të mëdha, sidomos përmes sulmeve ajrore.

Sipas Rutte, Ukraina ka nevojë urgjente për forcimin e mbrojtjes ajrore, ndërsa Evropa duhet të marrë më shumë përgjegjësi për sigurinë e saj dhe të rrisë kapacitetet ushtarake.

Mesazhi i tij ishte i qartë: pavarësisht kërcënimeve të Moskës, NATO e konsideron veten dukshëm më të fuqishme ushtarakisht se Rusia.

/ts