Ballkani, arena e re e konkurrencës mes Turqisë dhe Izraelit ?
Konkurrenca gjeopolitike mes Turqisë dhe Izraelit po shtrihet gjithnjë e më shumë edhe në Ballkan. Ankaraja po ndjek me vëmendje forcimin e bashkëpunimit ushtarak të Izraelit me vende si Greqia dhe Serbia, veçanërisht në fushën e mbrojtjes ajrore, dronëve dhe teknologjive të avancuara.
Serbia po modernizon ushtrinë përmes bashkëpunimit me Izraelin, Kinën, Rusinë dhe Francën, duke siguruar sisteme të reja mbrojtëse, radarë, dronë dhe avionë luftarakë. Kjo ngre shqetësime për krijimin e një çekuilibri të ri ushtarak në Ballkanin Perëndimor.
Nga ana tjetër, Turqia ka një prani të gjerë në rajon përmes bashkëpunimit politik, ekonomik dhe ushtarak. Ajo ka marrëdhënie të forta me Shqipërinë, Kosovën, Maqedoninë e Veriut, Bosnjë-Hercegovinën dhe Malin e Zi, si dhe luan rol në sigurinë rajonale përmes NATO-s dhe KFOR-it.
Sipas analizës së Mevludin Ibish, Turqia mund të forcojë më tej bashkëpunimin në mbrojtje, teknologjinë e dronëve, trajnimet ushtarake dhe prodhimin e përbashkët. Synimi nuk do të ishte krijimi i një blloku kundër Serbisë, por ruajtja e një ekuilibri më të qëndrueshëm të sigurisë në Ballkan.
Përshtatur nga “Yeni Şafak”
/ts
