Pyetje publike për komunën e Kërçovës dhe kryetarin e sajë ?

Në bazë të cilave kritere është vendosur që KF Vëllazërimit t’i ndahen 500.000 denarë (8.130 euro), ndërsa KF Napredokut 900.000 denarë (14.634 euro), kur të dy klubet garojnë në të njëjtën kategori?

A është marrë parasysh fakti se KF Vëllazërimi, përveç ekipit të parë, posedon dhe zhvillon një akademi futbolli me grupmosha të ndryshme, ndërsa KF Napredoku nuk ka akademi të të rinjve?
Nëse po, si shpjegohet që klubi që investon në zhvillimin e të rinjve dhe mban gjallë kategoritë e reja është financuar dukshëm më pak?

Sa pikë ka fituar secili klub sipas kritereve të komunës dhe cilat janë ato kritere?
A janë publike vlerësimet dhe arsyetimet që kanë çuar në këtë vendim?
A nuk do të ishte Logiker që në një komunë normale më shumë mjete t’i ndaheshin klubit që mban dhe zhvillon akademi, pikërisht për shkak të kostove dhe angazhimeve shtesë që ka në punën me të rinjtë?

Si mund të justifikohet që një klub pa akademi përfiton gati dyfish më shumë mjete se një klub që investon vazhdimisht në të ardhmen e sportit dhe të rinjve të Kërçovës?
A është ky një vendim i bazuar në meritë dhe kritere objektive, apo kemi të bëjmë me një rast të qartë diskriminimi në ndarjen e mjeteve publike?

Qytetarët e Kërçovës meritojnë përgjigje të qarta dhe transparente, sepse këto janë mjete publike të mbledhura nga taksat e tyre. Komuna dhe kryetari i saj kanë detyrim të japin llogari për mënyrën se si shpenzohen ato.

/tvgurra