Pediatri i njohur nga Kërçova apelon për kujdes nga temperaturat e larta

Pediatri i njohur Dr. Telat Dalipi u bën thirrje qytetarëve të tregojnë kujdes të shtuar për shkak të temperaturave të larta që po mbizotërojnë në vend.
Ai rekomandon që të shmanget ekspozimi i drejtpërdrejtë në diell në periudhën nga ora 11:00 deri në 17:00, kur rrezatimi diellor dhe temperaturat janë më intensive, veçanërisht për fëmijët, të cilët janë më të ndjeshëm ndaj të nxehtit.

Dr. Dalipi këshillon qytetarët të konsumojnë sa më shumë lëngje, të veshin rroba të lehta dhe me ngjyra të çelëta, të mbajnë kapelë dhe syze mbrojtëse, si dhe të qëndrojnë në ambiente të freskëta ose me ajër të kondicionuar.

Kujdes i veçantë duhet t’u kushtohet fëmijëve, të moshuarve, grave shtatzëna dhe personave me sëmundje kronike, pasi ata janë më të rrezikuar nga efektet e temperaturave të larta. Në rast të simptomave si marramendje, dobësi, dhimbje koke, të përziera ose humbje e vetëdijes, kërkoni menjëherë ndihmë mjekësore.

/tvgurra