OKB jep alarmin për klimën dhe paralajmëron ?

Organizata Botërore Meteorologjike paralajmëron se Toka po grumbullon më shumë nxehtësi sesa mund të çlirojë, kryesisht për shkak të gazrave serrë si CO₂. Kjo ka çuar në ngrohje rekord të oqeaneve, shkrirje akullnajash dhe rritje të nivelit të detit.

11 vitet e fundit janë më të ngrohtat që nga viti 1850, ndërsa temperaturat globale janë rreth 1.43°C mbi nivelet para-industriale. Edhe pse disa variacione natyrore si La Niña ndikojnë përkohësisht, trendi i përgjithshëm i ngrohjes po përshpejtohet.

Shkencëtarët theksojnë se mbi 90% e nxehtësisë shtesë absorbohet nga oqeanet, duke ndikuar në jetën detare dhe duke rritur intensitetin e motit ekstrem. Ndërkohë, një fazë e mundshme El Niño në vitet e ardhshme mund të sjellë rekorde të reja të temperaturës.

OKB bën thirrje për largim nga lëndët djegëse fosile drejt energjisë së rinovueshme, pasi ndryshimet klimatike tashmë po shkaktojnë pasoja të rënda dhe afatgjata.

/ts