Tensionet midis Turqisë dhe Greqisë! I kujt është Deti Egje ?

Marrëdhëniet mes Greqisë dhe Turqisë po tensionohen sërish, më pak se tre vjet pas afrimit që pasoi tërmetin shkatërrues të vitit 2023. Pavarësisht Deklaratës së Athinës për marrëdhënie miqësore, mosmarrëveshjet e vjetra për kufijtë detarë në Egje dhe Mesdheun lindor mbeten të pazgjidhura.

Tensionet e fundit lidhen me shpalljen e parqeve detare nga Turqia në zona të kontestuara. Athina i ka cilësuar këto veprime si të paligjshme, ndërsa kryeministri Kyriakos Mitsotakis deklaroi se Greqia është e gatshme të mbrojë sovranitetin dhe të drejtat e saj.

Greqia dyshon se veprimet turke lidhen me doktrinën “Mavi Vatan” – “Atdheu Blu” – përmes së cilës Ankaraja kërkon ndikim më të madh në Egje dhe Mesdheun lindor. Mosmarrëveshjet përfshijnë zonat ekonomike ekskluzive, ishujt dhe shfrytëzimin e burimeve natyrore.

Përballë tensioneve me Turqinë, Greqia po investon fuqishëm në mbrojtje, duke blerë avionë luftarakë, fregata, nëndetëse dhe sisteme të mbrojtjes ajrore. Athina ka forcuar gjithashtu bashkëpunimin ushtarak me Izraelin dhe po planifikon sistemin “Mburoja e Akilit”, të modeluar sipas “Kupolës së Hekurt”.

Megjithëse Mitsotakis vazhdon të përdorë një ton pajtues ndaj Ankarasë, afrimi i zgjedhjeve parlamentare greke në vitin 2027 mund të sjellë një retorikë më të ashpër ndaj Turqisë.

/ts