Pse vendet evropiane po tërheqin tonelata ari nga Amerika ?

Kur banka qendrore holandeze konfirmoi këtë javë se kishte lëvizur tonelata të rezervave të arit të vendit nga Amerika, ajo tha se do të ishte „më e përgatitur për kriza serioze“, përcjell tetova1

Rreth 86 ton nga afërsisht 313 ton ar që Holanda mbante në SHBA dhe Kanada u zhvendosën në Londër „për shkak të rritjes së paqëndrueshmërisë gjeopolitike“, tha banka.
Qëllimi është që ari të jetë „lehtësisht i disponueshëm për përdorim në situatën e krizës“.

Pyetjet u ngritën në vetvete. Pse holandezët e bënë këtë? A presin holandezët një tronditje të madhe ekonomike? Kjo nuk duket të jetë një pritje e një krize specifike, por një lëvizje e qartë në përgjigje të situatës së paqëndrueshme dhe të pasigurt në botë. Konfliktet tregtare dhe ushtarake i kanë shtyrë vendet të marrin masa paraprake dhe të mbajnë rezervat e tyre të arit më afër territorit të tyre, raporton BBC.

Franca njoftoi në fillim të këtij viti se kishte rikuperuar rezervat e saj të arit nga Shtetet e Bashkuara. Ndërkohë, Bundesbank e Gjermanisë ka lëvizur më shumë se 216 ton ar nga magazinat jashtë shtetit gjatë viteve të përfunduara në 2016, 111 ton nga Nju Jorku dhe 105 ton nga Parisi.

Banka qendrore holandeze „De Dutch Bank“ tha se ari i eksportuar nga SHBA dhe Kanadaja midis marsit dhe gushtit të këtij viti është tani në kasafortat e Bankës së Anglisë. „Ne presim që nuk do të duhet ta përdorim kurrë, por duhet të forcojmë qëndrueshmërinë dhe gatishmërinë tonë“, tha guvernatori i bankës qendrore holandeze, Olaf Slapen.

Londra u zgjodh si destinacioni më i mirë pasi është një nga qendrat tregtare më të mëdha në botë. Nëse keni nevojë të blini ose shisni arin shpejt në një situatë krize, Londra është vendi ku duhet ta bëni këtë, prandaj Banka e Anglisë është një vend i njohur për ruajtjen e tij.
Banka e Anglisë është një nga mbajtësit më të mëdhenj të arit në botë. Nën këtë institucion 300-vjeçar në Londrën qendrore shtrihen rreth 400,000 shufra ari me vlerë më shumë se 200 miliardë paund.

Sipas sondazheve industriale të kryera nga Këshilli Botëror i Arit, Banka e Anglisë mbetet vendi më i popullarizuar i magazinimit të arit, por bankat qendrore po diversifikohen gjithnjë e më shumë aty ku mbajnë metalin e çmuar. Çështja se ku të ruhet ari i vendit të tyre është „gjithnjë e më shumë një fokus për menaxherët e rezervave“, thonë Thomas dhe Striven i Goldman Sachs.

/tetova1