Ky është vendi më i sigurt në botë ?

Sipas indeksit, pavarësisht përkeqësimit të situatës së përgjithshme të sigurisë në shumë vende, disa shtete si Islanda, Zelanda e Re dhe Zvicra vazhdojnë të mbeten shembuj stabiliteti dhe paqeje.

Raporti më i fundit i Institutit për Ekonominë dhe Paqen ka publikuar edicionin e “Indeksit Global për Paqen 2026”, i cili rendit vendet më të sigurta në botë në një vit të shënuar nga tensione dhe konflikte. Sipas indeksit, pavarësisht përkeqësimit të situatës së përgjithshme të sigurisë në shumë vende, disa shtete vazhdojnë të mbeten shembuj stabiliteti dhe paqeje.

Në vend të parë renditet sërish Islanda, e cila mban kreun për të 19-in vit me radhë. Ajo vlerësohet për mungesën e një ushtrie të përhershme, nivelin e ulët të dhunës dhe kohezionin e fortë social. Në vend të dytë renditet Zelanda e Re, e cila ka përmirësuar pozicionin e saj falë uljes së importit të armëve dhe nivelit shumë të ulët të konflikteve të brendshme dhe ndërkombëtare.

Podiumi plotësohet nga Zvicra, e njohur për politikën e saj të neutralitetit dhe normat e ulëta të kriminalitetit. Sipas raportit, dhjetë vendet më paqësore për vitin 2026 plotësohen nga Sllovenia, Irlanda, Austria, Portugalia, Singapori, Finlanda dhe Japonia. Në këtë listë, bie në sy edhe hyrja e Sllovenisë në pesëshen e parë, si dhe performanca e mirë e vendeve si Japonia dhe Finlanda.

Në vendet që kanë shënuar rënie të sigurisë, situata lidhet edhe me faktorë ekonomikë dhe sfida të brendshme sociale. Raporti thekson gjithashtu se situata globale e sigurisë është përkeqësuar në 99 vende, duke reflektuar një rritje të tensioneve dhe konflikteve në nivel ndërkombëtar.

/ts