Kryetarët e Kërçovës dhe sheshi i qytetit

Nga viti 1992 e deri më sot, çdo kryetar që ka udhëhequr komunën e Kërçovës, gjëja e parë që ka bërë ka qenë ndërhyrja në sheshin e qytetit.

Që nga Vladimir Toleski, i cili e ngushtoi sheshin, pastaj Blagoja Despotoski, dhe në fund Fatmir Dehari, i cili për tre mandate e ndryshoi dy herë sheshin e qytetit.

Herën e fundit, sheshi është ndërtuar me granit, i cili nuk gjendet as në sheshet më prestigjioze të Evropës, si Monte Carlo apo San Remo.

Kryetari aktual, Aleksandar Jovanoski, gjithashtu në një videomaterial prezantoi se do të ndërtojë një shesh të ri në qytetin e Kërçovës.

Pse, pasi e marrin mandatin, kryetarët e qytetit të Kërçovës, gjëja e parë që ndryshojnë është sheshi? Apo ndoshta aty është edhe fitimi më i madh… kush e di, ndoshta!

/redaksia kercova.net