Njoftim nga Universiteti i Tetovës – UT

Fakulteti Filozofik i Universitetit të Tetovës do të organizojë mbledhje komemorative në nderim të jetës dhe veprës së Prof. Dr. Halim Purellkut (05.11.1952 – 02.03.2026).

Kontributi i tij i vyer në studimin dhe ndriçimin e historisë sonë, si dhe përkushtimi dhe angazhimi i palodhur në mbrojtje të vlerave identitare, përbëjnë një trashëgimi të çmuar për shkencën dhe kulturën tonë.

Me punën e tij ndër vite në Universitetin e Tetovës dhe me studimet serioze, Prof. Dr. Halim Purellku la gjurmë të thella në historiografinë shqiptare. Mbledhja do të mbahet më 04 maj 2026, në orën 11:00, në auditorin nr. 445.

/ut