Kërçovë: Pas 30 vitesh, ish-maturantët rikujtojnë vitet më të bukura të rinisë

Tre dekada pas ndarjes nga bankat e Gjimnazit “Drita”, ish-maturantët u ribashkuan për të rikthyer kujtimet e një periudhe që mbetet ndër më të bukurat e jetës së tyre.

Takimi u shoqërua me emocione, nostalgji dhe rrëfime për vitet e rinisë, miqësitë e sinqerta, ëndrrat e mëdha dhe momentet e paharrueshme të kaluara së bashku.

Gjatë këtyre 30 viteve, jeta i ka çuar secilin në rrugën e vet. Disa kanë ruajtur miqësinë ndër vite, disa u takuan pas një kohe të gjatë, ndërsa disa shokë e shoqe u kujtuan me mall, pasi nuk janë më mes tyre.

Takimi ishte një mundësi për të ndarë kujtime, për të rikthyer buzëqeshjet e dikurshme dhe për të dëshmuar se miqësitë e krijuara në bankat e shkollës mbeten të forta edhe pas tre dekadash.

/tvgurra