Kërçovë: bastore dhe kazino në çdo anë !

Në Maqedoninë e Veriut, miliarda euro qarkullojnë çdo vit në industrinë e lojërave të fatit. Shifra prej rreth 2.8 miliardë eurosh për një vit ka rikthyer në vëmendje debatin për ndikimin ekonomik dhe social të basteve dhe kazinove tek qytetarët.

Në Kërçovë, veçanërisht në zonën qendrore të qytetit, prania e bastoreve dhe kazinove është e dukshme. Në disa segmente të rrugëve kryesore, dhjetëra lokale të këtij lloji janë të vendosura pranë njëri-tjetrit, duke krijuar një pamje që qytetarëve u kujton një “mini-Las Vegas”.

Shqetësim i veçantë mbetet edhe afërsia e disa pikave të lojërave të fatit me institucionet arsimore dhe zonat ku qarkullojnë të rinjtë. Debati për kufizimin e vendosjes së tyre pranë shkollave dhe zhvendosjen e tyre jashtë qendrave urbane vazhdon të jetë pjesë e diskutimeve publike.

Kritikët e këtij fenomeni theksojnë se paratë e shpenzuara në baste dhe kazino janë kryesisht të ardhura familjare, ndërsa humbjet mund të rëndojnë veçanërisht mbi familjet me të ardhura të ulëta.

/tvgurra