Dr. Rezeart Dalipi pjesë e kursit ndërkombëtar për Onkologjinë Musculoskeletale në Greqi

Ortopedi i njohur shqiptar, Dr. Rezeart Dalipi, mori pjesë në kursin prestigjioz “Deep Dives in Musculoskeletal Oncology, Limb Salvage and Complex Reconstruction Surgery”, i mbajtur gjatë muajit korrik 2026 në ishullin Spetses të Greqisë.

Në këtë ngjarje shkencore ndërkombëtare, ku morën pjesë ekspertë të fushës nga vende të ndryshme të botës, Dr. Dalipi pati mundësinë të kontribuojë me përvojën e tij profesionale, si dhe të shkëmbejë njohuri dhe ide mbi zhvillimet më të fundit në trajtimin e tumoreve musculoskeletale, shpëtimin e gjymtyrëve dhe kirurgjinë komplekse rikonstruktive.

Me këtë rast, ai shprehu mirënjohjen e tij për Komisionin Organizator dhe veçanërisht për profesorin organizator të kursit, duke vlerësuar mundësinë për të qenë pjesë e një programi shkencor të nivelit të lartë.

“Është privilegj të ndajmë përvojën tonë, të bashkëpunojmë me kolegë nga e gjithë bota dhe të krijojmë ura të reja profesionale. Jam mirënjohës për takimet dhe bashkëpunimet e vlefshme dhe pres me kënaqësi të takohemi sërish në aktivitetet e ardhshme shkencore”, u shpreh Dr. Dalipi.

/tvgurra