Logot e shoqatave nga diaspora vendosen në stadiumin e KF Vëllazërimi.

Deri më tani, kërkesës sonë për mbështetjen e klubit i janë përgjigjur pozitivisht pesë shoqata dhe fondacione të mërgatës sonë. Kërkesa jonë është shqyrtuar dhe miratuar nga organet përkatëse dhe anëtarësitë e tyre, ndërsa disa prej tyre tashmë kanë transferuar edhe mjetet financiare në adresë të klubit.

🙏 Faleminderit për besimin dhe mbështetjen:
🔹 Shoqata Kulturore Kërçova
🔹 Shoqata Humanitare Greshnica
🔹 Fondi Besa Drogomisht
🔹 Shoqata Kulturore Uskana Dortmund
🔹 Shoqata Humanitare Tuhini

Në shenjë mirënjohjeje dhe për ta bërë edhe më të dukshme praninë tuaj pranë klubit, sot kemi vendosur në stadium logot e secilës shoqatë, si simbol i lidhjes së fortë mes mërgatës dhe vendlindjes.

Ky është vetëm fillimi! Në vazhdim presim përgjigje edhe nga shoqatat e tjera, me shpresën që KF Vëllazërimi të përfshihet në buxhetet e tyre vjetore dhe të ketë mbështetje të qëndrueshme për të ardhmen.

Dyert tona janë të hapura për të gjithë. Çdo shoqatë që do të na mbështesë në vazhdimësi do ta ketë logon e saj në stadiumin tonë, si shenjë mirënjohjeje dhe respekti për kontributin e dhënë.

Edhe pse fizikisht larg, ju do të jeni gjithmonë të pranishëm në stadiumin tonë, duke na dhënë forcë, motiv dhe kurajë për të ecur përpara.
Sepse KF Vëllazërimi nuk është vetëm një klub futbolli. Është krenaria e vendlindjes, trashëgimia jonë dhe një pikë bashkimi për të gjithë kërçovarët, kudo që ndodhen.

Faleminderit, mërgatë! Faleminderit për çdo kontribut, për besimin dhe për dashurinë ndaj klubit të zemrës! 🙏
Bashkë jemi më të fortë. Bashkë drejt qëllimit!
KF VËLLAZËRIMI MBI TË GJITHA! ⚪️🔵💪
🇦🇱 VAZHDOJMË! Shkrujn nga K.F Vëllazërimit në Facebook.

/ts