CH – Zvicra – Poezi nga Remzi Azizi

CH – Zvicra
Kështu quhet këtu shkurtesa
Vendi ku erdhëm për pak kohë
Me dëshirë e me shumë shpresa
Por do mbesim këtu, këtë e shoh

Kaluan disa vite edhe muaj
I sollëm fëmijët në vend të huaj
Vërtet, atje s’kishim pasuri
Por mbi të gjitha kishte lumturi

Afrohet koha për pushime
Kthim për në vendlindje
Do të rrimë dy apo tre javë
E pastaj në CH prapë me ardhë

E kështu deri në pension
E për kthim jo më s’mendon
Këtë e kuptuam vonë edhe vetë
Dhe se s’ka më kush të pret

Në pension kam ma shumë kohë
Vendin sa ma shpesh ta shoh
Duan apo s’duan të tjerët atje
Ne jemi në shtëpi, aty në atdhe.