“Bijë mos ec me shqiponjë në qytet” fjalët e nënës së Amina Nuraj !

Në kohën kur vizita të zyrtarëve serbë shoqërohen me masa të forta sigurie dhe tension në Sanxhak, një postim i kryetares së Këshillit Kombëtar Shqiptar në Sanxhak, Amina Nuraj, ka marrë vëmendje të madhe në rrjetet sociale. Ajo ka rrëfyer momentin kur nëna e saj i kërkoi të mos dilte në rrugën kryesore me simbolin e shqiponjës shqiptare në qafë, pikërisht në ditën kur në qytet ndodhej ministri serb Ivica Daçiq.

Postimi i plotë:
“Bijë, mos ec sot në rrugën kryesore me shqiponjën në qafë për të shkuar në zyrë, sepse në qytet është siguria e shtetit nga Beogradi, pasi po vjen Ivica Daçiqi.”
Fjalet e Nënës time… 🥺

Por pas pak, nga inati dhe krenaria, dola pikërisht në rrugën kryesore, aty ku ishin të parkuara makinat e zeza dhe forcat e sigurisë. Me shqiponjën në qafë, me kokën lart dhe me krenari të plotë. Duke kaluar pranë kordonit të policisë, shikimet u kthyen nga unë. Sytë u ndalën te shqiponja ime, por edhe te qëndrimi im.
Aty e kuptuan se kanë ardhur në Sanxhak — dhe se këtu ka shqiptarë që identitetin e tyre nuk e fshehin dhe frikën nuk e njohin. Krenaria nuk ndalet, as nuk përkulet”, ka shkruar Amina Nuraj.

/INA)