Austri arrestohen tre shqiptarë ! Ja pse ?

Më 1 tetor, policia e Vjenës, me mbështetjen e njësisë speciale WEGA, ka zhvilluar një operacion në disa lokacione. Gjatë bastisjeve është gjetur një kartë hyrëse hoteli, e cila më pas i ka çuar hetuesit te një dhomë ku ishte fshehur sasia e madhe e kokainës.

Përveç rreth 11 kilogramëve kokainë, policia ka sekuestruar edhe para të gatshme dhe disa telefona celularë, të cilët pritet të analizohen në kuadër të hetimeve të mëtejshme.

Sipas policisë, janë arrestuar tre shtetas shqiptarë të moshave 38, 42 dhe 46 vjeç, si dhe tre shtetas italianë të moshave 23, 53 dhe 72 vjeç. Hetimet po vazhdojnë për të sqaruar rolin e secilit prej tyre dhe shtrirjen e mundshme të rrjetit të dyshuar të trafikimit të drogës.

/ms