Apel nga Komuna e Kërçovës

Për shkak të rritjes së rrezikut nga shpërthimi i zjarreve pyjore dhe zjarreve në hapësira të hapura, në Komunën e Kërçovës u mbajt mbledhje e Shtabit Komunal të Krizave, të cilën e udhëhoqi kryetari i Komunës, dr. Aleksandar Jovanovski.

Në mbledhje morën pjesë përfaqësues të institucioneve kompetente, ndër të cilët:
🔹 komandanti i Njësisë Territoriale të Zjarrfikjes – Kërçovë;
🔹 shefi i Njësisë së Punëve të Brendshme – Kërçovë dhe ndihmëskomandanti i Stacionit Policor – Kërçovë;
🔹 përfaqësues të Qendrës për Menaxhim me Kriza – Kërçovë;
🔹 përfaqësues të Drejtorisë për Mbrojtje dhe Shpëtim;
🔹 përfaqësues të Kryqit të Kuq;
🔹 përfaqësues të NP “Pyjet Kombëtare”;

🔹 drejtoresha e ISHP Spitali i Përgjithshëm – Kërçovë.
Gjatë mbledhjes u shqyrtua gjendja aktuale, si dhe nevoja për ndërmarrjen në kohë të masave parandaluese për mbrojtjen e popullsisë, pronës, sipërfaqeve bujqësore dhe fondit pyjor.

Si përfundime të mbledhjes u përcaktua:
✅ Të ndiqet në vazhdimësi gjendja lidhur me paraqitjen e zjarreve pyjore dhe zjarreve në hapësira të hapura;
✅ Të bëhet vlerësimi i rreziqeve dhe të ndërmerren në kohë masa parandaluese;
✅ Të përforcohet koordinimi ndërmjet institucioneve në nivel lokal;
✅ Të organizohen kontrolle në terren dhe monitorim i zonave kritike;
✅ Popullsia të informohet në kohë për rreziqet dhe masat e nevojshme mbrojtëse.

Komuna e Kërçovës dhe Qendra Rajonale për Menaxhim me Kriza – Kërçovë u bëjnë apel të gjithë qytetarëve që të tregojnë ndërgjegjësim, kujdes dhe përgjegjësi maksimale.

🚫 Ndalohet rreptësisht:
🔸 Lëvizja në pyje dhe në tokë pyjore pa lejen përkatëse me shkrim;
🔸 Ndezja e zjarrit në hapësira të hapura dhe në vende të pasigurta;
🔸 Djegia e kashtës, ledheve, arave, bimësisë së thatë dhe sipërfaqeve të tjera bujqësore;
🔸 Djegia e mbeturinave, deponive dhe materialeve të tjera të ndezshme;
🔸 Hedhja e pakujdesshme e bishtave të cigareve dhe sendeve të tjera të ndezshme.

Vëmendje e veçantë duhet t’i kushtohet punës me mekanizëm bujqësor, si dhe vendeve ku ekziston rrezik i shtuar nga shpërthimi dhe përhapja e zjarrit.
⚠️ Për shkeljen e ndalesave dhe shkaktimin e zjarrit parashihen gjoba të larta, ndërsa në raste më të rënda edhe dënime me burg.

📞 Nëse vëreni tym, zjarr ose lëvizje të dyshimta në zona pyjore apo bujqësore, lajmëroni menjëherë në numrin e vetëm për raste emergjente 112 ose në institucionin më të afërt kompetent.
Të tregojmë përgjegjësi të përbashkët në këto momente kritike.
🌲 Parandalimi shpëton jetë, pronë dhe natyrë!

/ts