Aksident: Vetura godet një person me karrocë me rrota !

Një person 70-vjeçar ka pësuar lëndime të rënda pasi është goditur nga një veturë teksa ndodhej në karrocë me rrota në Shkup.
Sipas Ministrisë së Punëve të Brendshme, dje rreth orës 10:45, në SPB Shkup është raportuar se në rrugën “Boris Trajkovski” në Shkup, një veturë e markës “Mercedes” me targa të Shkupit, e drejtuar nga P.G. (41) nga Shkupi, është përplasur me një karrocë invalidësh, në të cilën ndodhej T.P. (70) nga Shkupi.

Si pasojë e aksidentit, T.P. ka pësuar lëndime të rënda dhe është dërguar për trajtim në Qendrën e Urgjencës në Kompleksin e Klinikave “Nënë Tereza” në Shkup, ku edhe i janë konstatuar lëndimet.

Një ekip inspektues nga SPB Shkup ka kryer këqyrjen në vendin e ngjarjes.
Policia po punon për zbardhjen e plotë të rrethanave të aksidentit.

/ts