Aksident në Kroaci, humb jetë mërgimtari
Një aksident i rëndë trafiku në Kroaci i ka marrë jetën bashkatdhetarit Riza (Xhelal) Salihaj, i cili ishte duke udhëtuar drejt vendlindjes.
Sipas informacioneve fillestare, ngjarja ndodhi gjatë rrugës së tij për në atdhe, ndërsa rrethanat e plota të aksidentit ende nuk janë bërë të ditura nga autoritetet kroate.
Lajmi për vdekjen e tij ka tronditur familjarët, miqtë dhe komunitetin, duke lënë pas dhimbje të madhe.
Ngushëllimet më të sinqerta i shprehen familjes Salihaj dhe të afërmve të të ndjerit.
/(INA)
