Kërçovë: Me rastin e festave të Nëntorit SHB “Ujëmiri”, organizon një event rekreativ

Fort të çmuarit dashamirë të bjeshkëve.
Me rastin e festave të Nëntorit SHB “Ujëmiri”, organizon një event rekreativ sportiv e muzikor në fshatin Qafë, ndërsa ata/ato që duan sfidën e shtigjeve, ujëmirasit do të prijnë drejt ngjitjes në majën e Ujëmirit dhe anasjelltas.

Kryesia e Shoqatës sonë ka përgatitur edhe befasi të tjera, me të vetmin qëllim që pjesëmarrësit të ndiejnë atmosferë festive e të kalojnë një vikend të këndshëm në Qafën heroike.
Ky event mbahet më dt.10.11.2024 (e diel). Për të inreresuarit që duan ta sfidojnë veten drejt Ujëmirit, takimi është përcaktuar në sheshin Sulltanë Qafa, ora 9.00.

Për të tjerët që duan të jenë pjesë e kësaj ngjarjeje të rëndësishme kombëtare, manifestimi fillon më ora 10.00.
Mes të pranishmive për asnjë çast nuk do të mungojnë anëtarët e SHB “Ujëmirit” që do të kujdesen për mirëvajtjen dhe ecurinë e programit.

Ju mirëpresim!
Kryesia e SHB “Ujëmiri”
Kërçovë

/ms