Fondi Besa – Drogomisht i Madh shpreh ngushllime për vdekjen e këngëtarit Abdul Abduli.

Të dashur bashkëfshatarë,
Me dhimbje të thellë morëm lajmin e ndarjes nga jeta të bashkëfshatarit tonë Abdul Abduli . Ai ishte një njeri i veçantë, që la pas një trashëgimi të vyer në kulturën dhe Këngën Burimore Kërçovare, duke ruajtur dhe promovuar vlerat tona më të çmuara.

Përmes zërit dhe përkushtimit të tij, kultura jonë mbetet më e pasur dhe e gjallë në zemrat e të gjithëve.
Përveç angazhimit të tij në kulturë, ai shërbeu me nder dhe përkushtim në institucione shtetërore, duke kontribuar për të mirën e komunitetit dhe të vendit.

Humbja e tij lë një zbrazëti të madhe në zemrat tona, por kujtimi i tij do të mbetet gjithmonë i gjallë.
Ngushëllime të sinqerta familjes dhe të gjithë atyre që patën fatin ta njihnin dhe ta çmonin. U prehtë në paqe!

/ms