Mexhit Selmani i dhuron tokë xhamis së fshatit Kollarë

Edhe një Vakëf i ri në Myftininë e Kërçovës
Sot, Myftiu i Kërçovës Qamil ef. Rushiti, nënshkroi solemnizimin e pranimit të një prone në fshatin Kollarë të Kërçovës.

Myftiu Qamil ef. Rushiti, falenderoi donatorin, Z. Mexhit Selmani, i cili dhuroi pronën afër Xhamisë së fshatit, duke lutur Allahun e Madhërishëm që Ai t’i dhurojë të mira të pakufishme në këtë botë, dhe shpërblimin e madh në Botën e Përjetësisë.

Përndryshe, në Xhematin e Myftinisë së Kërçovës, është duke u kultivuar dhe ringjallur një traditë e mirë – ajo e dhurimit të Vakufeve.

Allahu i Madh e shpërbleftë z. Mexhitin dhe gjithë ata që përpiqen të ringjallin dhe zhvillojnë Vakëfet.
Me respek nga Myftinia e BFI – Kërçovë

/ms