Gjermani: Shqiptari nga Maqedonia vritet midis varrezave në Bremen !

Pas vrasjes në një varrezë në Bremen, policia ende nuk ka asnjë gjurmë të autorit. Viktima me sa duket ishte i njohur për efektivët
Sipas informacioneve të gazetës „Bild“, personi që u godit me thikë ishte Imer D. (40) – një përndjekës i regjistruar.

Të enjten në mëngjes, vizitorët zbuluan trupin e lyer me gjak të shqiptarit midis varreve në varrezat në Bremen-Walle. Sipas policisë i vdekuri ka marrë plagë me thikë, transmeton portali Shtegu.

Në fundjavë, policia njoftoi se burri vdiq si pasojë e një debati me përdorimin e një thike. Burri kishte veshur pantallona kadifeje gri, një xhaketë të kuqe të dallueshme dhe pantofla të zeza.

Banorëve iu bë e qartë shpejt: „Ky është djali që ka shkaktuar trazira këtu për muaj të tërë“, raportuan ata për BILD. Imer D. mësohet se ka një vajzë (3) me një grua greke (26) e cila jeton afër varrezave.

Gjyshja e vajzës konfirmoi për BILD: “Ai është i vdekuri. Por unë kam pasur pak kontakt me të. Kur vajza ime nuk donte të bënte më asgjë me të, ai u çmend”.

Fqinjët e përshkruajnë Imer D. si një përndjekës kokëfortë. 40-vjeçari thuhet se ka shkruar me bojë mesazhe si “Të dua” në trotuarin përpara shtëpisë së ish-it të tij dhe në vende të tjera të rrethit.

Ai dyshohet se ka thyer xhamat e familjes dhe ka dëmtuar veturat. Një banor: “Ishte në hall me të gjithë në lagje, askush nuk e donte”.
Banesa në të cilën banonte deri në tetor 2023 u dogj. “Ai tha se e zuri gjumi me një cigare. Policia nuk ka mundur asnjëherë të përcaktojë saktësisht shkakun e zjarrit. Dhe ai akoma më ka borxh qiranë”, tregon pronari.

Mësohet se shqiptari së fundmi ka fjetur në varreza. „Për rreth tre javë ai kishte fjetur nën tendën e kishës së varrezave“, thotë një banor. Pikërisht përballë varrit të gjyshes së ish-të dashurës së tij.

Është plotësisht e paqartë se kush i ka zënë pritë dhe e ka vrarë Imer D. në varreza. Policia nuk ka ende një provë të fortë për vrasësin.

Policia kërkon informata: Kush bëri vëzhgime të dyshimta në zonën e varrezave Waller të enjten mbrëma? Policia merr informacion me telefon në numrin 0421 362-3888.
Gjithashtu është krijuar një portal në https://hb.tippportal.de ku këshillat mund të dërgohen në mënyrë anonime.

/shtegu