Kërçovari nga Zvicra Dr. Sulejman Vejseli antarë i Institutit për Avancim Kombëtar

Kërçovari Dr. Sulejman Vejseli është një profesionist i kualifikuar në fushën e Teknologjisë së Informacionit (IT) dhe bankarisë. Me përvojë të gjerë dhe njohuri të specializuara në industrinë bankare, me fokus në IT dhe inovacionin teknologjik, ai është bërë një figurë udhëheqëse në këtë fushë.

Në karrierën e tij praktike, Dr. Sulejman Vejseli ka punuar në role të ndryshme si drejtues teknik dhe zëvendëskryetar i IT-së, menaxher aplikacionesh, programues dhe konsulent IT.

Gjithashtu, ai është bashkë-themelues dhe CSO (Chief Strategy Officer) në një startup që po zhvillon një treg ndërkufitar për tregtinë e tokenëve të sigurisë (Security Token) bazuar në teknologjinë blockchain.

Në rolin e tij aktual, Dr. Vejseli është menaxher në një firmë konsulence zvicerane dhe ofron këshilla bankave në çështje IT dhe strategjike.
Dr. Vejseli ka fituar një diplomë master në Shkencat Ekonomike nga Universiteti i Zürichit. Dëshira e tij për përshkallëzimin akademik vazhdoi, dhe ai fitoi gradën e Doctor of Philosophy (PhD) në Computing & Engineering Sciences në University of the West of Scotland (UWS), në bashkëpunim me Universitetin e Reutlingenit në Gjermani.

Gjithashtu, Dr. Sulejman Vejseli është Postdoctoral Fellow am Research Lab for Digital Business (www.researchlab-db.com) në Qendrën Herman Hollerith (www.hhz.de) të Universitetit të Reutlingenit në Gjermani.

Ai është i përfshirë në punime kërkimore në fushën e transformimit digjital të bankave. Një fokus i veçantë i kërkimit të tij është në qasje të reja të IT-Governance-së dhe kombinimit të strategjive të inovacionit agilë (agile innovation) dhe governance frameworks. Punimet e tij kërkimore janë publikuar në konferenca ndërkombëtare të njohura si ECIS, HICSS dhe PACIS.

/ms