Afaristi nga Zvicra Kastriot Iseni ndau 20 mij euro në shërbim të arsimit dhe sportit..

Kastriot Iseni, udhëheqësi i Restoranteve Dardania dhe Swiss Ranch në Kërçovë dhe njëkohësisht një sipërmarrës me të arritura të larta edhe në biznesin që menaxhon në.Zvicër, për vendlindjen e tij Kërçovën është shëndrruar në shembullin e një afaristi jo vetëm të suksesshëm por edhe të një modeli human.

Ai prej disa vitesh që kur ka marr Restorantet Dardania dhe fermën zvicërane Swiss Ranch, një pjesë të fitimeve ia dedikonë popullit të tij. Këtë ndjenjë fisnikërie e bamirësie Kastrioti e ka pjesë të genit nga trungu familjar dhe kryesisht të trashëguar nga gjyshi tij i ndjer, bujari i pashoq xha Faiku. Kastrioti me veprat e tij humane tregon se nuk kënaqet vetëm me mirëqenien personale, pa u ndihmuar edhe njerëzve të tjerë në nevojë.

Është shumë i ndjeshëm ndaj të varfërve, ngase vetë nga mosha e fëmijërisë është rritur me shumë përkushtim ndaj punës duke i plotësuar me djersën dhe mundin e tij nevojat fëmijërore. I brumosur dhe i udhëhequr nga ky akt human e njerëzor kontributi i tij vullnetar për çdo aksion me karakter social, kulturor e kombëtar nuk ka munguar kurrë. Sa herë zhvillohen biseda për nisma që në thelb kanë bamirësinë apeli i tij për të tjerët është: “Ndihmoni,se bamirësia nuk të varfëron, përkundrazi ajo të lumturon”.

Vullnetarizmi i Kastriotit mund të përkufizohet si një veprim i tij moral që ndjen për të dhënë në dobi të komunitetit, dhe si një dëshirë e përkushtim që buron nga vetë shpirtbardhësia e tij për të qenë i dobishëm për popullatën në vendlindjen e tij Kërçovën. Sikur shumë kërçovar në Zvicër të cilët janë të grumbulluar pranë organizatave dhe shoqatave të ndryshme shoqërore e kulturore, klube e fondacione, aty e gjen edhe prezencën e Kastriotit. Gjithherë me vullnetin për të ndihmuar dhe duke dhënë kontributin e tij për të mirën e nismave që janë në shërbim të popullatës sonë.

Përveç kësaj Kastrioti në vendlindje ka ndihmuar edhe shumë aktivitete kulturore, përvjetorë e përkujtime të ndryshëme. Ngjashëm sikurse veprojë edhe këtë vit duke ndarë një shumë prej 20,000 euro për të mbështetur arsimin dhe sportin në Kërçovë. Fonde të cilat bashkë me menaxherin e Restoranteve Dardania Naim Zenku, ju ndan nxënësve e studentëve të dalluar për bursa, disa shkollave donacione për pajisje të ndryshëme si dhe për të ndihmuar Klubin e Futbollit “Vëllazërimi”.

Nga kjo shumë, janë dhënë bursa për 10 nxënës dhe 2 studentë të cilët kanë qenë pjesë e stafit në sezonin veror 2024 në Restorantet Dardania. Gjithashtu janë shperblyer 5 nxënës të gjimnazit që janë shpallur më të mirët e gjeneratës nga këshilli i arsimtarve të gjimnazit “Drita”. Si dhe një bursë e veçantë për nxënësen nga shkolla “Gjergj Kastrioti- Skënderbeu” nga fshati Sërbicë Ardita Zenku, e cila fitoi vendin e parë në një garë të nivelit republikan. Përveç bursave, Kastriot Iseni ka shpërnda edhe vauçera në vlerë prej 1,200 euro për shkollat të cilat për festa të ndryshëme kanë zhvilluar aktivitete në Resortin Swiss Ranch.

Mjete të cilat mund ti shfrytëzojnë për materiale shkollore te Libraria “Niku”. Një tjetër donacion i rëndësishëm së shpejti thotë Kastriot Iseni do të jetë edhe për ndërtimin dhe kompletimin e kabinetit të informatikës në Gjimnazin “Drita”, ku edhe më herët ka donuar në blerjen e dy projektorëve të rinjë për nevoja të gjimnazit tonë. Për të shtuar tifozërin e KF Vëllazërimi, Kastriot Iseni për të gjithë bursistët ndau nga një biletë vjetore, ndërsa premtojë që ndihma do të jetë më e lartë për KF Vëllazërimi, për sportet tjera si dhe në sferën e kulturës.

Mbështetje të cilat do bëhen publike në festën e 30 vjetorit të themelimit të Restoranteve Dardania në cilësin edhe të trashëgimtarit, lokalitete që Kastriot Iseni në vitet e fundit i ka shëndrruar ndër më të preferuara për organizimin e dasmave në Kërçovë. Sukses i cili në 30 vjetorin e shënimit të Restoranteve Dardania, Kastriot Iseni thotë se do të bëjë publike edhe nisma tjera investimi në Kërçovë. Iiniciativa të cilat janë tregues frymëzimi nga ndjenja e atdhedashurisë të trashëguar në gjakun e damarëve të tij.

Një model biznesmeni me ideale patriotizmi që ka për qëllim që investimet ti këthej në mundësi për zbutjen e punësimit dhe me synimin fisnik që gjithnjë një pjesë të fitimeve ti vendosi në shërbim të arsimit, kulturës dhe sportit, duke ndikuar në motivimin e të rinjve dhe në përmirësimin e kushteve sociale për familjet në nevojë. Rrugëtim në të cilin suksesi i djalit me genë e gjak kastrioti siqë mban meritueshëm këtë emër, të urojm se mund të ndiqet edhe nga bashkëmoshatarët e gjeneratës së tij.

Një akt patriotizmi për të cilin ka nevojë koha në të cilën jetojmë e që lidhet me këthimin e kapitalit në investime për vendlindjen. Një nga mënyrat më të mira të mundëshme për të ndikuar sado pak në largimin e të rinjëve, si një nga plagët nga e cila më së shumti lëngon shoqëria shqiptare. Në fund të ndarjes së bursave dhe donacioneve një mirënjohje Kastriot Iseni kishte rezervuar për avokatin dhe bamirësin e njohur Shkodran Alili të cilin e vlersojë për mbështetjen që ju jep aktiviteteve të shumta që janë në shërbim të popullatës dhe qytetarëve në nevojë!

/ms